តារាហង្សមាស ឈិត សុវណ្ណបញ្ញា និងក្រុមស្រ្តីជាង ២០០នាក់ ដង្ហែក្បួននៅថ្ងៃសិទ្ធិនារី

 

ភ្នំពេញៈ តារាចម្រៀងស្រស់ខ្ចីវ័យក្មេង ឈិត សុវណ្ណបញ្ញា រួមនិងក្រុមស្រ្តីប្រមាណជា២០០នាក់ មកពីបណ្តាស្ថា ប័ន និងអង្គភាពផ្សេងៗគ្នា បាននាំគ្នាដើរក្បួនដង្ហែព័ទ្ធជុំវិញវត្តភ្នំ នៅក្នុងថ្ងៃបុណ្យសិទ្ធិនារីអន្តរជាតិ ៨ មីនា លើក ទី១០២ ទាមទារលុបបំបាត់អំពើហិង្សា និងការជិះជាន់ រំលោភបំពានលើស្រ្តី។
តារាចម្រៀងរូបស្រស់ឈិត សុវណ្ណបញ្ញា ខណៈចូលរួមក្នុងក្បួនដង្ហែនោះ បានប្រាប់ក្រុមអ្នកសារព័ត៌មានឲ្យដឹង ថា ការដង្ហែក្បួននៅថ្ងៃនេះ ជាសារមួយប្រាប់ទៅពិភពលោក ក៏ដូចជាប្រទេសកម្ពុជាឲ្យយល់ពីតម្លៃស្រ្តីឲ្យកាន់តែ ខ្លាំងបន្ថែមទៀត ព្រោះស្ត្រីជាមាតា នៃពិភពលោក។ ត្រូវនាំលើកកម្ពស់សិទ្ធិស្រ្តី ក្នុងការចូលរួមអភិវឌ្ឍន៍សង្គម កម្ពុជា ប្រកបដោយសមភាពយេនឌ័រ។ដោយ៖ LookingTODAY