អស់រយៈពេលជាងពីរខែមកហើយដែលយើងបាត់ដំណឹងពីទូរស័ព្ទទំនើប Samsung Galaxy Note III ជាម៉ូដែលទូរស័ព្ទប្រភេទ Phablet ប្រចាំឆ្នាំ២០១៣ របស់ក្រុមហ៊ុន Samsung ។ យ៉ាងណាមិញថ្មីៗនេះបើយោងទៅតាមកាសែត Korea Times បានឲ្យដឹងថានៅក្នុងឆ្នាំនេះក្រុមហ៊ុន Samsung នឹងធ្វើការបញ្ចេញនូវទូរស័ព្ទទំនើបមានអេក្រង់ទំហំ 5.9-inch ដែលជាអេក្រង់ធំជាងគេរបស់ខ្លួន។
ប្រភពដដែលមិនបានធ្វើការបញ្ចេញឲ្យដឹងពីម៉ូដែលទូរស័ព្ទមាន អេក្រង់ធំជាងគេរបស់ក្រុមហ៊ុន Samsung ថាមានឈ្មោះអ្វីនោះទេ ។ ដូច្នេះវាអាចជាទូរស័ព្ទជំនាន់ថ្មីរបស់ស៊េរី Galaxy Note សម្រាប់ឆ្នាំ២០១៣ និងអាចជាម៉ូដែលផ្សេងទៀតក៏ថាបាន ។ ប៉ុន្តែបើយោងទៅតាមផលិតផលទូរស័ព្ទទំនើបប្រភេទ Phablet ដែលជាទូរស័ព្ទមានអេក្រង់ទំហំធំៗរបស់ក្រុមហ៊ុន Samsung គេអាចសន្និដ្ឋានបានថាទូរស័ព្ទអេក្រង់ទំហំ 5.9-inch នោះអាចនឹងមានឈ្មោះថា Galaxy Note III ។
យ៉ាងមិញប្រសិនបើទូរស័ព្ទនោះជា Galaxy Note III មែននោះទូរស័ព្ទនេះនឹងត្រូវបំពាក់ដោយ អេក្រង់ 5.9-inch Super AMOLED (តែនឹងមិនអាចបត់បែនបានទេព្រោះ Samsung មិនទាន់ទទួលជោគជ័យទាំងស្រុងទៅលើអេក្រង់ Flexible Display ) តែអ្វីដែលពិសេសគឺទូរស័ព្ទនេះនឹងមាននូវ CPU Exynos 5 Octa ដែលធ្វើឲ្យល្បឿនទូរស័ព្ទកាន់តែមានសន្ទុះលឿនជាម៉ូដែលមុនៗ ។
រូប Galaxy Note II :
សូមបញ្ជាក់ថា ស្របពេលដែលប្រភពខាងលើមិនបានបញ្ចេញឲ្យដឹងពីទូរស័ព្ទមាន អេក្រង់ធំ 5.9-inch នោះ យើងក៏ទទួលបាននូវពាក្យចចាមអារ៉ាមមួយចំនួនផងដែរថា ទូរស័ព្ទ Samsung Galaxy Note III នឹងបំពាក់នូវអេក្រង់ទំហំ 6.3-inch ឬ 5.8-inch ដូច្នេះយើងមិនអាចដឹងប្រាកដទេថា Galaxy Note III នឹងមានអេក្រង់ទំហំប៉ុណ្ណានោះទេ ? តែបើយោងទៅតាមទូរស័ព្ទ Galaxy Note II បច្ចុប្បន្នគឺមានអេក្រង់ទំហំត្រឹមតែ 5.5-inch ប៉ុណ្ណោះ តាមរយៈនេះគេជឿថា Galaxy Note III អាចនឹងមានអេក្រង់ទំហំ 5.9-inch ៕
0 comments:
Post a Comment