Sony Xperia Tablet Z គឺជាកុំព្យូទ័រដំបូងដែលយើងបានឮថាមានលក្ខណសម្បត្តិពិសេសមិន ជ្រាបទឹកនិងអាចការពារធូលីមិនឲ្យចូលក្នុងម៉ាស៊ីន ។ ដោយឡែកថ្មីៗនេះក្រុមហ៊ុន Fujitsu ទើបតែបានប្រកាសចេញនូវកុំព្យូទ័របន្ទះស្ដើងថ្មីរបស់គេដែលមានសមត្ថភាពអាចការពារបានទាំងទឹកនិងធូលីមិនឲ្យចូលទៅក្នុងម៉ាស៊ីនដូចជា Sony Xperia Tablet Z ។
Stylistic M702 ជាកុំព្យូទ័របន្ទះស្ដើងថ្មីរបស់ក្រុមហ៊ុន Fujitsu ដែលមានសមត្ថភាពខ្ពស់អាចការពារទឹកនិងធូលីមិនឲ្យចូលក្នុង ម៉ាស៊ីន ។ នៅក្នុងជម្រៅទឹកចំនួន ១ ម៉ែត្រ Stylistic M702 អាចស្ថិតបានរយៈពេលរហូតដល់ទៅ ៣០ នាទី(កន្លះម៉ោង) ដោយមិនប៉ះពាល់អ្វីទាំងអស់ ។ លើសពីនេះជាមួយនឹងអេក្រង់ទំហំ 10.1-inch IPS display កុំព្យូទ័របន្ទះស្ដើងនេះថែមទាំងមានកម្រិតភាពច្បាស់រហូតដល់ទៅ 1,920 x 1,200 (Full HD) ទៀតផង ។ ដើម្បីជ្រាបកាន់តែច្បាស់ពីលក្ខណសម្បត្តិពិសេសរបស់កុំព្យូទ័រ បន្ទះស្ដើង Stylistic M702 សូមទស្សនាវីឌីអូខាងក្រោមទាំងអស់គ្នា ។
វីឌីអូ៖
លក្ខណសម្បត្តិបែបបច្ចេកទេសរបស់ Stylistic M702 ៖
- អេក្រង់ 10.1-inch IPS display កម្រិតភាពច្បាស់ 1,920 x 1,200 (FullHD)
- កាមេរ៉ាមុខ 1.2MP និងក្រោយ 8MP
- CPU quad-core Tegra 3 1.7 GHz
- RAM 2GB
- មិនជ្រាបទឹក និងអាចការពារមិនឲ្យធូលីចូលក្នុងម៉ាស៊ីន
- Wi-fi 802.11 a/b/g/n, Bluetooth 4.0
- មានបំពាក់បច្ចេកវិទ្យា NFC, LTE
- អង្គផ្ទុកទិន្នន័យជាប់ម៉ាស៊ីន 32 GB (មានរន្ធសម្រាប់ microSD card )
- ថាមពលថ្ម 10,000mAh អាចប្រើបាន ១៥ ម៉ោង
- ប្រព័ន្ធប្រតិបត្តិការ Android 4.0 តែអាចឡើង 4.2 Jelly Bean
- ទម្ងន់ 590g (ទាំងថ្ម)
សូមបញ្ជាក់ថា កុំព្យូទ័របន្ទះស្ដើង Stylistic M702 ឥលូវមានលក់ជាផ្លូវការហើយនៅតាមតំបន់ប្រទេសមួយចំនួនដូចជា អឺរ៉ុប អាហ្វ្រិក ឥណ្ឌា និងតំបន់មជ្ឈិមបូព៌ាដែលមានតម្លៃក្នុងមួយគ្រឿងប្រហែល €999 ស្មើនឹង $1299.70 ។
តាមរយៈកុំព្យូទ័របន្ទះស្ដើង Sony Xperia Tablet Z និង Fujitsu Stylistic M702 ធ្វើឲ្យមនុស្សមួយចំនួនបានលើកជាមតិថា ប្រភេទផលិតផលដែលអាចការពារនូវទឹកបាន(waterproof) គឺកំពុងក្លាយជាគំរូស្តង់ដាររបស់ម៉ូដែលដែលមានទាំងតម្លៃ ថ្លៃ និងគុណភាពខ្ពស់ (high-end model) ៕
សម្រាប់ប្រិយមិត្តតើយល់យ៉ាងណាដែរ?
0 comments:
Post a Comment