បើយោងតាមរបាយការណ៍របស់ TCM កាលពីដើមខែកុម្ភៈកន្លងទៅថ្មីៗនេះ បានឲ្យដឹងថា «Apple នឹងចេញ iPhone ដែលមានតម្លៃទាបនៅពាក់កណ្ដាលឆ្នាំ២០១៣» នៅក្នុងខែដដែលនោះផងដែរ មានប្រភពមួយផ្សេងទៀតបានបង្ហាញពីរូបរាងរបស់ iPhone 5S ដែលគេអះអាងថាធ្លាយចេញពីរោងចក្រ ។
ដោយឡែកសំរាប់ពេលនេះ ប្រិយមិត្តនឹងបានទទួលនូវព័ត៌មានថ្មីដែលទាក់ទងនឹងទូរស័ព្ទ iPhone 5S, iPhone តម្លៃទាប និង ប្រព័ន្ធប្រតិបត្តិការ iOS 7 ព្រោះថាបើយោងតាមសេចក្ដីរាយការណ៍របស់គេហទំព័រ iClarified.com បានដកស្រង់របាយការណ៍របស់ លោក Ming-Chi Kuo ដែលជាអ្នកវិភាគនៅក្នុងក្រុមហ៊ុន KGI យ៉ាងដូច្នេះថា «ពួកយើងរំពឹងថា ក្រុមហ៊ុន Apple នឹងបង្ហាញ iPhones ជំនាន់ថ្មី និងប្រព័ន្ធប្រតិបត្តិការ iOS 7 ក្នុងខែមិថុនា ឆ្នាំ២០១៣ បន្ទាប់មកចាប់ផ្ដើមបញ្ចេញ iPhone 5S និង iPhone តម្លៃទាបទៅលើទីផ្សារក្នុងខែកក្កដា និងពេលបន្តបន្ទាប់ទៀត» ។ នៅក្នុងរបាយការណ៍នោះក៏បានបញ្ជាក់ពីចំណុចខុសគ្នាខ្លះៗរវាង iPhone 5 និង iPhone 5S ផងដែរ ដោយចំណុចខុសគ្នាទាំងនោះមានដូចជា៖
- ល្បឿនដំណើរនៃ iPhone 5S ត្រូវបានផ្ដល់ថាមពលដោយ CPU A7
- កាមេរ៉ារបស់ iPhone 5S មានបំពាក់ដោយ Smart Flash (អាចបាញ់ភ្លើងពណ៌ស ឬ ពណ៌លឿង អាស្រ័យទៅតាមស្ថានភាពពន្លឺ)
- នៅពីក្រោម home buton របស់ iPhone 5S មានបំពាក់ដោយ បន្ទះសំគាល់ក្រយៅដៃ (fingerprint chip) ដែលអាចប្រើជាសោសុវត្ថិភាព និងបង្កើនលទ្ធភាពប្រើប្រាស់
សូមបញ្ជាក់ថា ខ្លឹមសារខាងលើគឺគ្រាន់តែជាការសន្និដ្ឋានរបស់ លោក Ming-Chi Kuo តែប៉ុណ្ណោះ ចំពោះព័ត៌មានពិត ថាតើក្រុមហ៊ុន Apple នឹងចេញ iPhone តម្លៃទាប (មានដូចជា iPhone Air, iPhone 5 mini) ឬ អត់នោះ សូមប្រិយមិត្តរង់ចាំតាមដានជាមួយពពក ៕
រូបភាពគំរូរបស់ iPhone mini (រូបតូចខាងស្ដាំ)
រូបគំរូ iPhone 5S និង iPhone 5 mini
បើក្រុមហ៊ុន Apple ពិតជាចេញ iPhones ជាច្រើនម៉ូដែលក្នុងមួយឆ្នាំៗមែននោះ តើប្រិយមិត្តយល់ថាវាអាចនឹងជះឥទ្ធិពលអវិជ្ជមានដល់ក្រុមហ៊ុនមួយ នេះដែរ ឬ យ៉ាងណា?
0 comments:
Post a Comment